နေစဉ် ကြုံတွေ့နေရသည့် ဝေဒနာများအတွက် ကုသနည်းများ
အိပ်မပျော်ခြင်း
အစာမကြေတာ၊ အအေးမိတာနဲ့ ခေါင်းကိုက်တာတွေကြောင့် အိပ်မပျော် ဖြစ်နေရင် ဆရာဝန်နဲ့ ပြသဖို့ လိုအပ်ပါတယ်။ အသက်ကြီးသူတွေရဲ့ သုံးပုံ တစ်ပုံခန့် ကြုံတွေ့လေ့ရှိတဲ့ တစ်ရေးနိုးပြီး ပြန်အိပ်မပျော်နိုင်တာကိုတော့ ဆရာဝန်ပေးတဲ့ အိပ်ဆေး အသုံးပြုတာဟာ ယနေ့ အချိန်အခါမှာ နည်းလမ်း မမှန်ကန်တော့ပါဘူး။ အိပ်မပျော်တဲ့ ပြဿနာကို ဖြေရှင်းဖို့ သင်ရဲ့ ကိုယ်ပိုင် အတွေးအခေါ် အသိဉာဏ်ကိုပဲ အသုံးပြုရမှာပါ။ အိပ်စက်တာဟာ သဘာဝက ပေးထားတဲ့ ကိုယ်ကာယပိုင်းဆိုင်ရာ အဖြစ်အပျက် တစ်ခုသာ ဖြစ်ပေမယ့် အိပ်စက်တဲ့ အမူအကျင့်ကို သင်ယူလို့ ရပါတယ်လို့ သုတေသီတွေက ပြောပါတယ်။ အောက်ပါ နည်းလမ်းတွေကို ပြုလုပ်ကြည့်ပါ။
၁။ တစ်ပတ်စာအတွက် အိပ်ချိန် ပုံမှန် ဖြစ်အောင် တိတိကျကျ သတ်မှတ်ထားပါ
အိပ်ချိန်ကို ပုံမှန်ထားတဲ့ အကျင့်ကြောင့် သင်ရဲ့ ဇီဝနာရီဟာ အသားကျသွားပါတယ်။ နေ့စဉ် အိပ်ရာဝင်ချိန်နဲ့ အိပ်ရာထချိန်တွေ တူညီဖို့ အရေးကြီးပါတယ်။ ညဘက် တစ်ရေးနိုးလို့ ၁၅ မိနစ်အတွင်း ပြန်လည်ပြီး အိပ်မပျော်ရင်၊ အိပ်ရာထဲမှာ အတင်း မျက်စိ မမှိတ်ထားပါနဲ့။ အိပ်ရာထဲမှာ နေပြီး အိပ်ငိုက်လာတဲ့အထိ သာယာတဲ့ တေးသီချင်းတွေ နားထောင်ပါ။ ဒါ့အပြင် မနက်ခင်း ထနေကျ အချိန်မှာပဲ အိပ်ရာထပါ။ အိပ်ရေး မဝတာကြောင့် ဆိုပြီး အိပ်ရာထဲမှာ ဆက်ပြီး မအိပ်ပါနဲ့။ စနေနဲ့ တနင်္ဂနွေနေ့တွေမှာလည်း မနက် အိပ်ရာထတာ နောက်မကျစေပါနဲ့။ ဒီလိုလုပ်မိရင် တနင်္ဂနွေနေ့ ညဘက်မှာ အိပ်မပျော်တာ ဖြစ်တတ်ပြီး တနင်္လာနေ့ မနက်မှာ အိပ်ရေး မဝတော့ဘဲ တစ်နေ့လုံး ငိုက်မျဉ်းနေတတ်ပါတယ်။
၂။ အိပ်ရာထဲမှာ အချိန်မဖြုန်းပါနဲ့
သင်ဟာ အသက်ကြီးလာတာနဲ့အမျှ သင့်အတွက် အိပ်ချိန် လိုအပ်ချက်က လျော့သွားပါတယ်။ မွေးကင်းစ ကလေးငယ်တွေအတွက် အိပ်ချိန် ၁၈ နာရီ လိုအပ်ပေမယ့် ၁၀ နှစ်အရွယ် ရောက်သွားရင် အိပ်ချိန် ၉ နာရီ ဒါမှမဟုတ် ၁၀ နာရီသာ လိုအပ်တော့ပါတယ်။ အသက်ကြီးသူတွေ အတွက် အိပ်ချိန် ဘယ်လောက် လိုအပ်တယ်ဆိုတာ တိတိကျကျ မသတ်မှတ်နိုင်ပေမယ့် ပျမ်းမျှအားဖြင့် ခုနစ်နာရီမှ ရှစ်နာရီဆို လုံလောက်ပါတယ်လို့ ကျွမ်းကျင်သူတွေက ဆိုပါတယ်။ တချို့တလေလည်း အိပ်ချိန် ငါးနာရီလောက် ဆိုရင် လုံလောက်ပေမယ့် တချို့ကလည်း ၁၀ နာရီလောက် လိုအပ်ပါတယ်။ သင် အိပ်ငိုက်လာမှသာ အိပ်ရာထဲ ဝင်ပါလို့ အိပ်စက်မှုဆိုင်ရာ ကျွမ်းကျင်သူတွေက အကြံပေးထားပါတယ်။ ၁၅ မိနစ်အတွင်း အိပ်မပျော်ခဲ့ရင် အိပ်ရာမှထပြီး ပျင်းရိဖွယ်ရာ ကောင်းတဲ့ အလုပ်တွေ လုပ်ပါ။ စာအုပ်ဖတ်တာ (စိတ်လှုပ်ရှားဖွယ် ကောင်းတဲ့ စာအုပ် မဖြစ်စေရပါ)၊ သိုးမွေးထိုးတာတွေလိုမျိုး လုပ်ပေးပါ။ စိတ်လှုပ်ရှားဖွယ်ကောင်းတဲ့ ကွန်ပျူတာ ဂိမ်းကစားတာ ဒါမှမဟုတ် စိတ်နှစ်ပြီး ပြုလုပ်ရတဲ့ အိမ်အလုပ်လုပ်တာ ဒါမှမဟုတ် အဝတ်လျှော်တာတွေလိုမျိုး မပြုလုပ်ပါနဲ့။ အဲဒီအလုပ်တွေ လုပ်နေရင်း အိပ်ငိုက်လာမှ အိပ်ရာထဲ ပြန်ဝင်ပါ။
၃။ အိပ်ရာမဝင်ခင် စဉ်းစားဖို့ အချိန်ပေးထားပါ
တချို့လူတွေဟာ အလုပ် သိပ်များလွန်းတာမုိ့ အိပ်ရာဝင်တဲ့အချိန် ရောက်ကာမှ တစ်နေ့လုံး ဖြစ်ပျက်သမျှ အကြောင်းအရာတွေကို ပြန်လည် စဉ်းစားမိတတ်ကြပါတယ်။ ဒီလိုလုပ်ရင် အိပ်ပျော်ဖို့ ခဲယဉ်းသွားနိုင်ပါတယ်။ အိပ်ရာမဝင်ခင် ၁ နာရီ ဒါမှမဟုတ် ၂ နာရီလောက် အလိုခန့်မှာ ၁၀ မိနစ်လောက် အချိန်ပေးပြီး တစ်နေ့ ဖြစ်ပျက်သမျှ အကြောင်းအရာတွေကို စဉ်းစားတွေးခေါ်ပြီး အကောင်းဆုံး အဖြေကို ရှာဖွေပြီး နောက်တစ်နေ့မှာ ပြုလုပ်ဖို့ ကြိုတင် စီမံထားပါ။
၎။ သင့်အိပ်ခန်းကို အိပ်ဖို့ပဲ အသုံးပြုပါ
အိပ်ခန်းထဲမှာ တီဗီကြည့်တာ၊ ဖုန်းပြောတာ၊ သင့်အိမ်ထောင်ဖက်နဲ့ ရန်ဖြစ်တာ၊ အစာစားတာတွေ မပြုလုပ်ပါနဲ့။
၅။ ညနေ ၄ နာရီနောက်ပိုင်း စိတ်ကို လှုံ့ဆော်မှုဖြစ်စေတဲ့ အစာတွေ မစားပါနဲ့။
ကော်ဖီ၊ ကိုလာ၊ ချောကလက်လိုမျိုး ကဖင်း ပါဝင်တဲ့ ပစ္စည်းတွေဟာ စိတ်ကို လှုံ့ဆော်မှု ပေးနိုင်တာကြောင့် ညနေ ၄ နာရီ နောက်ပိုင်းမှာ မသောက်ပါနဲ့။
၆။ ညအိပ်ရာဝင်ခါနီး အရက် မသောက်ပါနဲ့
ညနေစာစားရင် အရက် မသောက်သင့်သလို အိပ်ခါနီးမှာလည်း အရက် မသောက်ပါနဲ့။ အရက်ဟာ အာရုံကြောမအပေါ် ဖိစီးမှု ပေးနိုင်တာမို့ ခဏတာ အိပ်ပျော်အပြီး ညဥ့်လယ်မှာ ပြန်လည် နိုးလာတတ်ပါတယ်။
၇။ သင်သောက်နေကျ ဆေးဝါးတွေကို သတိထားပါ
ရင်ကျပ်ပန်းနာ အတွက် ရှူရတဲ့ ဆေးလိုမျိုး တချို့ ဆေးဝါးတွေကြောင့် အိပ်မပျော် ဖြစ်တတ်ပါတယ်။ သင်ဟာ ဆရာဝန် ညွှန်ကြားတဲ့ ဆေးကို သောက်နေရသူဖြစ်ရင် ဆရာဝန်ကို ဆေးရဲ့ ဆိုးကျိုးတွေ မေးကြည့်ပါ။ ဆရာဝန် ညွှန်ကြားထားတဲ့ ဆေးကြောင့် အိပ်မပျော် ဖြစ်ခဲ့ရင် ဆရာဝန်ကို တခြားဆေး ပြောင်းခိုင်းပါ။
၈။ အလုပ်ချိန် ဇယားကို စစ်ဆေးပါ
အချိန် ပြောင်းရွှေ. အလုပ်သမားတွေ အလုပ်ချိန် မမှန်သူတွေနဲ့ နေ့ duty နဲ့ ည duty တစ်လှည့်စီ လုပ်နေရသူတွေဟာ အိပ်စက်တာမှာ ပြဿနာ ဖြစ်တက်ပါတယ်။ အချိန် ပြောင်းရွှေ.ပြီး လုပ်ရတဲ့ အလုပ်သမားတွေဟာ လေယာဉ်ပျံ အကြာကြီး စီးပြီးနောက် အချိန်ကာလ ကွာခြားမှု့ကြောင့် ဖြစ်ပေါ်လာတဲ့ မအီမသာ ခံစားမှုအတိုင်း ခံစားရတက်ပါတယ်။
၉။ အိပ်ရာမဝင်ခင် အဆာပြေ အစာစားပါ
အိပ်ရာမဝင်ခင် တစ်နာရီ ဒါမှမဟုတ် နှစ်နာရီ အလိုမှာ ပေါင်မုန့် ဒါမှမဟုတ် သစ်သီး စားပေးပါ။ နွားနို့ပူပူလည်း သောက်နိုင်ပါတယ်။ အချို လွန်ကဲတဲ့ အစာတွေ မစားပါနဲ့။ အစာကြီးလည်း မစားပါနဲ့။ အစာမကြေမှာစိုးလို့ပါ။
၁၀။ အိပ်ခန်းကို ပြုပြင် ပြောင်းလဲပါ။
သင့်အိပ်ခန်းကို သင်ကြိုက်နှစ်သက်တဲ့ ဆေးအရောင် သုတ်ပါ။ အိပ်ခန်းအတွင်း အလင်းရောင် မကျရောက်အောင် ခန်းဆီး လိုက်ကာစတွေ တပ်ထားပါ။ အသံလုံအောင် ထားပါ။ သင့်အတွက် အဆင်ပြေမယ့် အိပ်ရာနဲ့ အိပ်ပါ။ ညဝတ်အင်္ကျီ ပွပွ ဝတ်ဆင်ပါ။ အိပ်ခန်းဟာ မပူလွန်း၊ မအေးလွန်းဖြစ်အောင် သတိထားပါ။ အိပ်ခန်းမှာ နာရီ မထားပါနဲ့။
၁၁။ စိတ်ဖြေလျှော့နည်း လေ့ကျင့်ပါ။
အိပ်မပျော်တက်တဲ့ သူတွေဟာ အိပ်စက်တာအပေါ်မှာ အာရုံထားတာ များလို့ပါ။ ဒါကြောင့် အိပ်စက်တဲ့ အပေါ်မှာ အာရုံထားတာ လျော့ကျသွားအောင် အောက်ပါ စိတ်ဖြေလျှော့နည်းကို လေ့ကျင့်ပါ။
-ဖြည်းညှင်းစွာ အသက်ရှုပြီး ဝင်လေထွက်လေကို ရှုမှတ်ပါ။
-စိတ်ထဲမှာ ၁၀၀၀ မှ ၉၉၉..၉၉၈ မှ ၁ အထိ ပြောင်းပြန် ရေတွက်တာတွေ ပြုလုပ်ပါ။
၁၂။ ရေနွေးနဲ့ ရေချိုးပါ။
ခန္ဓာကိုယ်ရဲ့ အပူချိန်တွေ ကျဆင်းလာရင် အိပ်ငိုက်စ ပြုလာတက်ပါတယ်။ ခန္ဓာကိုယ် အပူချိန် မြင့်တက်လာအောင် အိပ်ရာမဝင်ခင် ၄ နာရီ၊ ၅ နာရီခန့် ကြိုတင်ပြီး ရေနွေးနဲ့ ရေချိုးထားပါ။ ဒါမှ အိပ်ချိန် ရောက်လာရင် ကိုယ်အပူချိန် ကျဆင်းသွားပြီး အလွယ်တကူ အိပ်ပျော်နိုင်ပါတယ်။
၁၃။ ညနေမှာ လေ့ကျင့်ခန်း လုပ်ပါ
ပြင်းထန်တဲ့ လေ့ကျင့်ခန်း မလုပ်ရပါ။ သင့်အိမ် အနီးအနားမှာ လမ်းလျှောက်တာဟာ သင့်ကြွက်သားတွေ မောပန်းစေရုံသာမက သင်ရဲ့ ခန္ဓာကိုယ် အပူချိန်လည်း မြင့်တက်လာနိုင်တာမို့ ရေနွေးနဲ့ ရေချိုးသလိုမျိုး အိပ်စက်တာကို အထောက်အကူပြုနိုင်ပါတယ်။
၁၄။ အိပ်ရာမဝင်ခင် လိင်ဆက်ဆံမှု ပြုလုပ်ပါ
လိင်ဆက်ဆံမှု ပြုလုပ်တာကြောင့် ထွက်ရှိလာတဲ့ ပျော်ရွှင်မှု ရစေတဲ့ ဟော်မုန်းတွေကြောင့် နှစ်နှစ်ခြိုက်ခြိုက် အိပ်ပျော် စေနိုင်ပါတယ်လို့ သုတေသီတွေက တွေ့ရှိခဲ့ပါတယ်။
၁၅။ နံနက်ခင်း နေခြည်ကို ခံယူပါ
နံနက်ခင်းမှာ ရရှိတဲ့ တောက်ပတဲ့ အလင်းရောင်တွေဟာ နာတာရှည် အိပ်မပျော်တဲ့ သူတွေရဲ့ ဇီဝနာရီကို ပုံမှန်ဖြစ်သွားအောင် ပြန်လည် ပြုပြင်ပေးနိုင်ပါတယ်လို့ စိတ်ကျန်းမာရေး တက္ကသိုလ်မှ သုတေသီတွေက ပြောပါတယ်။ သုတေသီတွေက နာတာရှည် အိပ်မပျော်သူတွေကို အောက်ပါအတိုင်း ကုသခဲ့ပါတယ်။
နံနက် အိပ်ရာထခါစမှာ တောက်ပတဲ့ မီးအလင်းရောင်ကို နှစ်နာရီခန့် ထိတွေ့ပေးစေပါတယ်။ အဲဒီအလင်းရောင်ကို တွေ့ရှိတာကြောင့် ခန္ဓာကိုယ်ရဲ့ ဇီဝနာရီက မနက်ရောက်ပြီလို့ သတ်မှတ်လိုက်ပါတယ်။ ညနေပိုင်းမှာ နေကာမျက်မှန် တပ်ပေးထားတာကြောင့် ခန္ဓာကိုယ်ရဲ့ ဇီဝနာရီက အိပ်ချိန် ရောက်ပြီလို့ သတ်မှတ်လိုက်ပါတယ်။
ကုသပြီး ရက်သတ္တပတ် အနည်းငယ် အကြာမှာ အိပ်မပျော်သူတွေဟာ နံနက်ပိုင်းမှာ ပိုမို နိုးကြား တက်ကြွလာပြီး ညပိုင်းမှာ ပိုမို အိပ်ပျော်တယ်လို့ တွေ့ရှိခဲ့ပါတယ်။ ဒါကြောင့် နံနက်အိပ်ရာထခါစမှာ အိမ်ပြင်ထွက်ပြီး လမ်းလျှောက်တာ၊ ပန်းခြံထဲ ဆင်းတာတွေ ပြုလုပ်ပေးပါ။
No comments:
Post a Comment
ဒီပို့စ်နဲ့ ပက်သက်ပြီးတစ်ခုခုပြောလိုလျှင် ပြောထားခဲ့နိုင်ပါသည်။